Иэн Гэрри Шавкат Раҳмоновга қозоқ тилида хабар ёзди
ASTANА. Кazinform - Ирландиялик жангчи Иэн Гэрри қизғин курашдан сўнг қозоғистонлик Шавкат Раҳмоновга яна мурожаат йўллади, деб хабар беради Sports.kz.
— Шавкат, жангни қабул қилмаслик ҳуқуқинг бўлса ҳам, қабул қилдинг, чемпионлик жанги учун таваккал этдинг. Сени ва иқтидорингни ҳурмат қилишдан бошқа ҳеч қандай гапим йўқ. Табриклайман ва яна учрашишни интиқлик билан кутаман – ким хавфлироқ жангчи эканлигини иккаламиз ҳам биламиз, - деб ёзди Гэрри Instagram саҳифасида қозоқ ва инглиз тилларида.
Эслатиб ўтамиз, кеча қозоғистонлик Шавкат Раҳмонов (18-0) Лас-Вегас (Невада, АҚШ) шаҳрида бўлиб ўтган UFC 310 турнирида ирландиялик жангчи Иэн Гэрри билан жанг ўтказиб, ҳакамларнинг якдил қарорига кўра рақибини мағлуб этганди.
“Номад” фаолиятида илк бор рақибини муддатидан аввал мағлуб эта олмади.
Бунгача UFCнинг YouTube каналида қозоғистонлик Шавкат Раҳмонов (18-0) ва ирландиялик Иэн Гэрри (15-0) ўртасида бўлиб ўтадиган жанг ҳақида фильм чиққан эди.
