«Идалия» тўфони Қўшма Штатларга етиб келди: ўн минглаб аҳоли электрсиз қолди
Авиакомпаниялар чоршанба куни 850 дан ортиқ рейсларни бекор қилди, 795 га яқин рейс кечиктирилди. Тампа, Клируотер ва Таллахассидаги аэропортлар вақтинча ёпилди.
Идалия Мексика кўрфазининг илиқ сувлари устидан ўтаётганда, қирғоқбўйи сув тошқинига олиб келадиган ҳалокатли шамоллар ва кучли ёмғирларни келтириб чиқариши тахмин қилиняпти. Сув сатҳининг кўтарилиши 16 фут (4,88 м) гача бўлиши мумкин.
Маълумотларига кўра, довул Флорида соҳилидаги Биг Бендда, тахминан Таллахасси ва Гейнсвилл ўртасида бўлган, у ерда штатнинг шимолий қисми ярим оролни ташкил этади. Майамидаги NHC маълумотларига кўра, «Идалия» тўфони бир кечада Флорида қирғоқларига яқинлашганда, беш балллик Саффир-Симпсон шамол шкаласи бўйича «ўта хавфли 4-тоифа» га етди. Кейинчалик бўрон 3-тоифага кўтарилди, максимал барқарор шамол тезлиги соатига 201 км. 3 ёки ундан юқори тоифага етадиган ҳар қандай бўрон йирик бўрон ҳисобланади.
Флорида штатидаги Мексика кўрфази қирғоғида, Жоржия жануби-шарқида, Шимолий ва Жанубий Каролинанинг шарқий қисмида пайшанба куни охиригача 10-20 см ёғингарчилик ёғиши кутилмоқда, баъзи ҳудудларда эса 30 см гача ёғингарчилик бўлиши мумкин, дея огоҳлантирди NHC.
Ҳаёт учун катта хавф туғдирадиган бўроннинг кўтарилиши ҳақида огоҳлантиришлар Апалачикола кўрфазининг ғарбий қисмидаги Сарасотадан Индиан Пассгача бўлган юзлаб километр қирғоқ чизиғини қамраб олади. Баъзи жойларда сув сатҳи 12-16 футга (3,7-4,9 м) кўтарилиши мумкин.
Флорида губернатори Рон Десантис огоҳлантирди: «Агар бўрон баландлиги 16 футга етса, омон қолиш эҳтимоли жуда паст бўлади. Энг ками уч қаватли бинода бўлиш керак, чунки сув сатҳи жуда кўтарилади.»
Идалия сешанба куни тонгда Кубани ғарбдан босиб ўтиб, уйларга зарар етказган, электр таъминотидаги узилишлар ва қишлоқларни сув босганидан бир кун ўтиб, тропик бўрондан довулга қадар кучайиб, оммавий эвакуацияга сабаб бўлди. Идалия 2017 йилда «Ирма», 2018 йилда «Майкл» ва ўтган сентябрь ойида 5-тоифа «Иэн»дан кейин сўнгги 7 йил ичида Флоридани урган тўртинчи йирик довул бўлиши мумкин.
Миллий гвардиянинг 5500 га яқин аскарлари сафарбар қилинган, 30-40 минг энергетика ходими бўрондан кейин қувватни тезда тиклаш учун тайёр ҳолатда. Губернаторнинг айтишича, ёқилғи таъминотида узилишлар юз берган тақдирда штат 1,1 миллион галлон бензин захиралаб қўйган.
Аввалроқ Хитойга «Саола» супер тўфони яқинлашаётгани хабар қилинганди. 1 сентябрга қадар у Хитой жанубидаги Гуандун провинцияси қирғоқларига етиб боради. Об-ҳаво хавфининг «тўқ сариқ» даражаси эълон қилинди.
