Хоккей бўйича ЖЧ: Қозоғистон ёшлар терма жамоасининг рақиблари маълум бўлди

ASTANА. Кazinform - Хоккей бўйича Қозоғистон ёшлар терма жамоасининг хоккей бўйича жаҳон чемпионати гуруҳ босқичидаги рақиблари аниқланди.

2024 йилнинг 26 декабридан 2025 йилнинг 5 январига қадар Канада пойтахти Оттава шаҳрида ёшлар ўртасидаги жаҳон чемпионати бўлиб ўтади. Қозоғистон хоккейчилари В гуруҳида Швеция, Чехия, Словакия ва Швейцария терма жамоалари билан беллашади.

А гуруҳида эса АҚШ, Финляндия, Канада, Латвия ва Германия терма жамоалари ўйнайди.

Ҳар бир гуруҳдан тўрттадан жамоа ушбу турнирнинг плей-офф босқичига йўлланма олади. Бешинчи ўринни эгаллаган жамоалар олий дивизиондаги ўрнини сақлаб қолиш учун ўзаро курашади.

Ўтган йилнинг декабрь ойида ҚР ёшлар терма жамоаси жаҳон чемпионатининг IA двизионида биринчи ўринни эгаллаган эди. Натижада ёшлар жаҳон чемпионати элит двизионига беш йилдан сўнг қайтди.

Мамлакатнинг 20 ёшгача бўлган ёшлар терма жамоаси сўнгги бор 2020 йилда энг яхшилар ўртасида баҳслашди.

Эслатиб ўтамиз, аввалроқ Қозоғистон хоккей терма жамоасининг 2025 йилги жаҳон чемпионатининг элит двизионидаги рақиблари аниқланган эди.