Хитойда қишлоқ мактаблари ўқувчиларини овқатлантириш учун ажратилган пулни талон-торож қилган мингдан ортиқ киши жазоланди
BEIJING. Kazinform - Хитойнинг қишлоқ мактабларида ўтказилган ҳукумат текшируви ўқувчиларнинг овқатланиши учун ажратилган маблағларни нотўғри ишлатишнинг кўплаб ҳолатларини аниқлади. Бу ҳақда Фачживан сайти ёзмоқда, дея хабар беради Кazinform мухбири.
Текширув натижасида қарийб 4 миллиард юан (деярли 550 миллион доллар)лик муаммолар бартараф этилиб, қишлоқ мактаб ўқувчиларини овқатлантириш учун ажратилган маблағларни ўзлаштирган 1200 нафар шахс жавобгарликка тортилди.
121 округда 237 мактаб раҳбари жазоланди, 147 ноқонуний озиқ-овқат етказиб берувчилар билан тузилган шартномалар бекор қилинди, маблағлар қайтарилди ва 420 миллион юан (тахминан 60 миллион доллар) миқдорида жарима солинди.
Эслатиб ўтамиз, аввалроқ Хитой сўнгги ойларда иқтисодиётни рағбатлантириш бўйича саъй-ҳаракатларни кучайтиргани ҳақида ёзган эдик. Хусусан, молия бозорига қарийб 1 триллион юан (тахминан 141,78 миллиард доллар) узоқ муддатли ликвидликни чиқарадиган мажбурий захиралар нормасини камайтириш режалари эълон қилинди.
Муаллиф: Руслан Сулейменов
