Хитой Ташқи ишлар вазири Қозоғистонга ташриф буюради
«Қозоғистон Республикаси Бош вазири ўринбосари – Ташқи ишлар вазири Мухтар Тлеубердининг таклифига биноан 6—9 июн кунлари Хитой Халқ Республикаси Давлат кенгаши аъзоси, ХХР Ташқи ишлар вазири Ван И Қозоғистонга расмий ташриф билан боради», — дейилади вазирлик баёнотида.
Хитой Ташқи ишлар вазирлиги матбуот котиби Чжао Лицзянь брифингда Ван Ининг ташрифи Қозоғистон-Хитой музокараларини ўз ичига олишини айтди.
«Ушбу ташриф икки давлат ўртасидаги сиёсий ўзаро ишонч ва прагматик ҳамкорликни янада чуқурлаштиришига ишонамиз», — деди у.
2022 йил бошида Марказий Осиё давлатларининг «Марказий Осиё – Хитой» саммити видеоконференция шаклида бўлиб ўтди. Тадбир якунида дипломатик муносабатлар ўрнатилганининг 30 йиллиги муносабати билан Қўшма баёнот қабул қилинди.
2021 йилнинг май ойида Сиань шаҳрида (Шэньси провинсияси, Шимолий-Ғарбий Хитой) ташқи ишлар вазирларининг «Марказий Осиё – Хитой» форматидаги иккинчи учрашуви бўлиб ўтди.
Муаллиф: Руслан Сулейменов
