Хитой рақамли иқтисодиёт корхоналарининг йиллик даромади 6,7 триллион долларга етди
BEIJING. Kazinform – 2023 йил охиригача Хитойда 3 миллионга яқин рақамли иқтисодиёт корхоналарида 36 миллиондан ортиқ киши иш билан таъминланuган. Бу ҳақда 5-миллий иқтисодий рўйхатга олиш маълумотлари далолат бермоқда, деб хабар беради Kazinform мухбири.
Бешинчи миллий иқтисодий рўйхатга олиш Хитойнинг рақамли иқтисодиёти ҳақидаги маълумотларни биринчи марта эълон қилди.
– Рақамли иқтисодиётнинг асосий тармоқлари корхоналарининг йиллик умумий даромади 48,4 триллион юанга (тахминан 6,74 триллион доллар – таҳр.) етди, – деди Хитой Давлат статистика бошқармаси (ДСБ) раҳбари Кан И брифинг чоғида.
ДСБ маълумотларига кўра, рақамли иқтисодиётни ривожлантиришнинг ҳудудий хусусиятлари бўйича Хитойнинг шарқий ҳудудлари яхши базавий шароитлар ва кўплаб қўллаш сценарийлари туфайли рақамли иқтисодиётни ривожлантириш бўйича мамлакатда етакчилик қилмоқда. Хитойнинг шарқий вилоятлари рақамли иқтисодиётнинг асосий тармоқларидаги корхоналарнинг 60% дан ортиғини ташкил қилади.
Хитойнинг рақамли иқтисодиётининг ўзига хос хусусияти булутли ҳисоблаш, нарсалар интернети, сунъий интеллект ва саноат интернети каби рақамли технологияларни қўллаш орқали саноатнинг жадал рақамли трансформациясидир.
2023 йил охирида Хитойда иқтисодиётнинг иккиламчи ва учинчи тармоқларида 33,27 та юридик шахс фаолият кўрсатган, бу 2018 йил охирига нисбатан 52,7 фоизга кўп. Икки секторда 428 миллиондан ортиқ киши ишлайди. Шу билан бирга, ушбу тармоқларда қарийб 88 миллион якка тартибдаги уй хўжаликлари меҳнат қилиб, 180 миллионга яқин кишини иш билан таъминлади.
Хитой 2004, 2008, 2013 ва 2018 йилларда тўртта миллий рўйхатга олишни ўтказди. Бешинчиси 2022 йил ноябрь ойида бошланган ва икки йилдан ортиқ давом этган.
Қайта кўриб чиқилган ҳисоб-китобларга кўра, Хитойнинг ялпи ички маҳсулоти (ЯИМ) 2023 йилда 129,4 триллион юанни (тахминан 18 триллион доллар) ташкил этди. Хитой Давлат статистика бошқармаси маълумотларига кўра, мамлакатнинг қайта кўриб чиқилган ялпи ички маҳсулоти дастлабки ҳисоб-китобдан (126 триллион юан – таҳр.) 3,4 триллионга кўп бўлган.
Эслатиб ўтамиз, 2024 йилда Хитойда қуйидаги кўрсаткичлар режалаштирилган эди: ЯИМ ўсиши тахминан 5% ни ташкил қилади; шаҳар ва аҳоли пунктларида иш билан банд аҳолининг ўсиши 12 миллион кишидан ошади; ишсизлик даражаси 5,5% ни ташкил қилади; Истеъмол нархлари индексининг ўсиши 3% атрофида бўлиши кутилмоқда. ЯИМга нисбатан бюджет тақчиллиги 3% даражасида режалаштирилган, умумий дефицит 4,06 триллион юанни (тахминан 572 миллиард доллар) ташкил этади.
Муаллиф: Руслан Сулейменов
