Головкин - Мурата жанги 200 дан ортиқ мамлакатда намойиш этилади

NUR-SULTAN. Кazinform - 9 апрел куни қозоғистонлик боксчи Геннадий Головкин (41-1-1, 36 КО) япониялик Риота Мурата (16-2, 13 КО) билан жанг ўтказади, дея хабар беради Кazinform Sports.kzга таяниб.

Учрашув Япониянинг Сайтама шаҳрида бўлиб ўтади.

Жанг DAZN платформасида дунёнинг 200 дан ортиқ мамлакатларида (Япония, Жанубий Корея ва Қозоғистондан ташқари) жонли эфирда намойиш этилади.

Головкин – Мурата жангини Қозоғистоннинг қайси телеканали кўрсатиши ҳозирча номаълум.

Шунингдек, DAZN трансляцияси Сингапур, Малайзия, Таиланд, Индонезия, Гонконг, Макао, Мўғулистон ва Филиппинда эксклюзив бўлмайди.

Эслатиб ўтамиз, Геннадий Головкин айни дамда жамоаси билан Японияда бўлиб турибди. Уни аэропортда журналистлар ва мухлислар илиқ кутиб олишди.

Боксчилар ўрта вазн тоифасида WBА Super, IBF ва IBО чемпионлик камарлари учун кураш олиб боришади.