Германиядаги мусобақада қозоғистонлик ўсмир теннисчилар ғолиб чиқди

ASTANA. Kazinform – Қозоғистон ўсмир теннисчилари Германиянинг Ульм шаҳрида 14 ёшдан 16 ёшгача бўлган Tennis Europe сериясининг иккинчи тоифасида ўтказилган Müller Junior Cup Ulm турнирида ғолиб чиқди, деб хабар беради Kazinform мухбири.

Қозоғистон теннис федерацияси маълумотига кўра, 14 ёшгача бўлган ўсмирлар ўртасидаги яккалик баҳсларида Еркежан Жанатаева муваффақият қозонди.

Еркежон финалда германиялик Франческа Парцелли устидан ғалаба қозонди - 4:6, 6:4, 6:2.

Ярослав Пшенчний ва Мансур Сайиновни жуфтлик баҳсларида ҳечким бас кела олмади. Адия Омарбек эса германиялик Гудит Пла билан бирга финалга чиқди.

16 ёшгача бўлганлар ўртасида Сатима Тўреген ғолиб чиқди. У сўнгги учрашувда германиялик Ида Вобкерни мағлуб этди – 6:3, 6:7 (4:7), 6:4.

Ўғил болалар ўртасида Родион Лукашов ва Олжас Есинали финалгача етиб борди.

Муаллиф: Ғайсағали Сейтақ