Ғазога охирги 3 ой ичида биринчи марта ҳаводан инсонпарварлик ёрдами жўнатилди
ASTANA. Kazinform – Ғазо секторига июль ойи ўрталаридан бери биринчи марта гуманитар юк ортилган контейнерлар туширилди. Бу ҳақда Anadolu мухбирига воқеа гувоҳлари маълум қилган.
Уларга кўра, гуманитар юк номаълум самолётлардан эксклав жанубидаги Хон Юнус шаҳрига туширилган.
Афсуски, инсонпарварлик юклари ортилган қутиларнинг бир қисми кўчирилган фаластинликларнинг чодирларига тушиб, одамлар ҳалок бўлди.
Ғазо секторидаги Исроил геноциди
2023 йил 7 октябрь куни эрталаб ХАМАСнинг ҳарбий қаноти бўлмиш Иззаддин ал-Қассам бригадалари Исроилга қарши «Ал-Ақсо тўфони» операцияси бошланганини эълон қилди.
Бунга жавобан Исроил армияси Ғазо секторида ўнлаб қирувчи самолётлардан фойдаланган ҳолда ХАМАСга қарши “Темир қиличлар” операцияси бошланганини эълон қилди ва бу Ғазо аҳолисини янада қирғин қилди. 27 октябрь куни Исроил армияси Ғазода қуруқликдаги операцияларни бошлади.
2024 йил 7 октябрь, душанба куни Исроил Ғазо секторига шафқатсиз ҳужумларини бошлаганига роппа-роса бир йил тўлди.
Исроил армиясининг қуруқликдан, денгиздан ва ҳаводан оммавий ўққа тутилиши эксклавда катта вайронагарчилик ва моддий йўқотишларга сабаб бўлди.
Ғазо сектори ҳукумати матбуот хизмати Исроил армияси йил давомида анклавда “3650 га яқин геноцид” содир этганини маълум қилди.
