Ғазо секторидаги қурбонлар сони 42 мингдан ошди
ASTANA. Kazinform – 2023 йил 7 октябрдан буён қамалдаги Ғазо секторида Исроил ҳужумлари қурбонлари сони 42 010 нафарга етди. Бу ҳақда Anadolu агентлиги ёзди.
Ғазодаги Фаластин Соғлиқни сақлаш вазирлиги маълумотларига кўра, биргина сўнгги 24 соат ичида Исроил армияси эксклавда "3 та геноцид" содир этган, натижада 45 киши ҳалок бўлган ва 130 киши жароҳат олган.
2023 йил 7 октябрдан буён Исроил агрессияси оқибатида жароҳатланганлар сони 97 720 нафарга ошди.
Минглаб жасадлар бинолар остида қолган.
Исроил-ХАМАС можароси
2023 йил 7 октябрь куни эрталаб ХАМАСнинг ҳарбий қаноти бўлмиш Иззаддин ал-Қассам бригадалари Исроилга қарши Ал-Ақса тўфон операцияси бошланганини эълон қилди.
Ғазо секторидан Исроил томон минглаб ракеталар отилди, қуролли гуруҳлар Исроил аҳоли пунктларига кирди. ХАМАСнинг айтишича, операция босиб олинган Шарқий Қуддусдаги ал-Ақсо масжидига уюштирилган ҳужум ва исроиллик муҳожирларнинг фаластинликларга нисбатан зўравонликларини кучайтирганига жавобан амалга оширилган.
Бунга жавобан Исроил армияси Ғазо секторида ўнлаб қирувчи самолётлардан фойдаланган ҳолда ХАМАСга қарши “Темир қиличлар” операцияси бошланганини эълон қилди ва бу Ғазо аҳолисини янада қирғин қилди. 27 октябрь куни Исроил армияси Ғазода қуруқликдаги операцияларни бошлади.
2024 йил 7 октябрь, душанба куни Исроил Ғазо секторига шафқатсиз ҳужумларини бошлаганига роппа-роса бир йил тўлди.
