Футзал бўйича жаҳон чемпионати Қозоғистоннинг қайси телеканалида кўрсатилади
ASTANА. Кazinform - Қозоғистон терма жамоаси иштирок этадиган футзал бўйича жаҳон чемпионати ўйинлари қайси телеканалда кўрсатилиши маълум бўлди.
Жаҳон чемпионати Ўзбекистонда 14 сентябрдан 6 октябргача бўлиб ўтади. Миллий терма жамоа D гуруҳида Испания, Ливия ва Янги Зеландия билан куч синашади. Ўйинлар «Qazsport» телеканали орқали жонли эфирда намойиш этилади.
Мамлакат шарафини ҳимоя қиладиган Қозоғистон терма жамоасининг рўйхати маълум бўлди. Хусусан, Нарун Сериков, Леонардо Игита, Арнольд Кнауб, Ринат Тўреғазин, Ақжол Дариябай, Абдирасул Абдиманапули, Азат Валиуллин, Лео, Альберт Ақбалиқов, Чингиз Есенаманов, Биржан Оразов, Даурен Турсагулов, Жаҳонгир Рашит ва Доуглар ўйинларда иштирок этади.
Жамоалар қуйидагича гуруҳларга бўлинган:
А гуруҳи: Ўзбекистон, Нидерландия, Парагвай, Коста-Рика
В гуруҳи: Бразилия, Куба, Хорватия, Таиланд
C гуруҳи: Аргентина, Украина, Афғонистон, Ангола.
D гуруҳи: Испания, Қозоғистон, Янги Зеландия, Ливия.
E гуруҳи: Португалия, Тожикистон, Марокаш, Панама.
F гуруҳи: Эрон, Венесуэла, Франция, Гватемала.
Қозоғистон терма жамоаси 2000, 2016, 2021 йилларда жаҳон чемпионатининг финал босқичида қатнашган, 2021 йилда эса 4-ўринни эгаллаган.
Эслатиб ўтамиз, Қозоғистон футзал терма жамоаси Ўзбекистонга етиб борди.
