Футзал бўйича Европа чемпионати: Қозоғистон - Арманистон учрашувини қайси телеканал кўрсатади

ASTANА. Кazinform — Футзал бўйича 2026 йилги Европа чемпионати саралаш босқичи доирасидаги Қозоғистон – Арманистон учрашувини қайси телеканал кўрсатиши маълум бўлди.

Учрашув 12 март куни Астана вақти билан соат 19:50да бошланади ва «Qazsport» телеканали орқали жонли эфирда намойиш этилади.

Ҳар икки жамоа олтинчи гуруҳда кураш олиб боради. Арманистон беш турдан кейин 13 очко билан турнир жадвалида биринчи ўринда бормоқда. Қозоғистон ҳисобида 10 очко бор.

Ушбу учрашувда ғолиб чиққан жамоа тўғридан-тўғри қитъа мусобақасининг финал босқичига йўлланма олади. Иккинчи ўринни эгаллаган жамоалар қўшимча йўлланма учун кураш олиб боради.

Терма жамоа Арманистон пойтахти Ереванга 10 март куни етиб борди. Улар аллақачон биринчи машғулотларни якунлашди.

Эслатиб ўтамиз, ҳозирга қадар Қозоғистон терма жамоаси саралаш босқичида бешта ўйин ўтказди. Дастаб улар Албанияни 2:0 ҳисобида мағлуб этган бўлса, Арманистон билан 4:4 ҳисобида дуранг ўйнади. Учинчи учрашувда Данияга 2:3 ҳисобида имкониятни бой берган бўлса-да, ўз майдонида рақибини 7:3 ҳисобида мағлуб этди. Бешинчи ўйинда Албанияни 4:2 ҳисобида мағлуб этишди.

Эслатиб ўтамиз, аввалроқ Қозоғистон футзал терма жамоаси Futsal Planet талқини бўйича энг яхши деб топилиши мумкин экани хабар берган эдик.