Фавқулодда вазиятларда алоқа операторлари абонентлар ҳақидаги маълумотларни узатадилар
ASTANA. Kazinform – Қозоғистон Республикаси Рақамли ривожланиш, инновациялар ва аэрокосмик саноат вазирлиги фавқулодда вазиятлар юзага келганда жамланган маълумотларни ваколатли органларга ўтказиш қоидаларини тасдиқлади, деб хабар беради Kazinform мухбири.
Буйруқга кўра, фавқулодда вазиятлар рўйхатига ижтимоий, табиий ва техноген хусусиятдаги вазиятлар – зилзилалар, селлар, қор кўчкилари, сув тошқинлари, шунингдек, эпидемиялар, экологик инқирозлар ва табиий ёнғинлар киради.
Алоқа операторлари 3 соат ичида абонентларнинг жойлашуви ва умумий сонини кўрсатишлари шарт.
Буйруқ 2025 йил 7 январдан кучга киради.
Аввал хабар қилинганидек, 2024 йил июнь ойида бўлиб ўтган Ҳукумат йиғилишида ҚР Бош вазири Олжас Бектенов мамлакатда мобил алоқа хизматлари сифатини ошириш бўйича аниқ чора-тадбирлар режасини ишлаб чиқиш бўйича топшириқ берган эди. Рақамли ривожланиш вазирлигига Миллий хавфсизлик қўмитаси билан биргаликда фавқулодда вазиятларда сунъий йўлдош алоқа тизимларидан фойдаланиш имкониятларини кўриб чиқиш топширилди.
31 май куни Алматида Mass Alert тезкор хабар бериш тизими синовдан ўтказилди.
