Ерлан Қарин: Қозоғистон ўзининг тарихий ва маънавий меросини тизимли ўрганишни бошлади
ALMATY. Кazinform — Алматида Абу Наср ал-Форобийнинг фалсафий ва илмий меросига бағишланган "Фалсафа. Ахлоқ. Келажак" халқаро симпозиумида иштирок этган Вице-президент Ерлан Қарин ушбу кенг кўламли ва муҳим илмий тадбир ҳар икки йилда бир марта мунтазам равишда ташкил этилишини айтди.
— Президент бундан буён Туркистонда — Яссавий, Алматида ал-Форобий меросига бағишланган халқаро симпозиумларни ташкил этишни топширди. Шунинг учун икки буюк шахсга бағишланган бундай йиғилишлар ҳар икки йилда бир марта навбатма-навбат ўтказилади. Бу бизнинг маънавий меросимизни институционал даражада тизимли ва ҳар томонлама ўрганишга ўтганимизни кўрсатади. Қозоғистон ўз тарихини, маънавий меросини ўрганиш ва тарғиб қилишни тизимли равишда амалга оширмоқда. Бу маърифат йўналишида катта бурилиш нуқтасининг белгисидир, — деди Ерлан Қарин.
Вице-президент халқаро симпозиумнинг очилишида Давлат раҳбари Қасим-Жомарт Тоқаевнинг табрик хатини ўқиб эшиттирди.
Президент симпиозиум иштирокчиларига йўллаган мактубида буюк мутафаккирларнинг илғор ғояларини чуқур ўрганиш, уларни ёш авлод орасида кенг тарғиб қилиш ва буларнинг барчасини замонавий илм-фан нуқтаи назаридан кўриб чиқиш муҳимлигига эътибор қаратди.
