Эрдоған Қозоғистон устидан учиб ўтаётиб, Тоқаевга самимий саломлар йўллади
ASTANА. Кazinform — Қозоғистон Президенти Қасим-Жомарт Тоқаев Туркия Президенти Режеп Таййип Эрдоғанга Қозоғистон халқига йўллаган тилаклари учун миннатдорчилик билдирди.
Қозоғистон Республикаси Президентининг Маслаҳатчиси — Матбуот котиби Айбек Смадияров расмий telegram-каналида Давлат раҳбари Қасим-Жомарт Тоқаев Туркия Президенти Режеп Таййиб Эрдоғандан телеграмма олганини маълум қилди.
— Корея Республикасига расмий ташриф билан борар эканман, тарихий ватанимиз — дўст ва қардош Қозоғистон ҳудуди устидан учиб ўтаяпман. Жорий йилнинг май ойида Қозоғистонга давлат ташрифимнинг муваффақиятли натижалари ва илиқ онларини, шунингдек, яқинда Туркий Давлатлар Ташкилотининг 13-саммитида иштирок этиш учун Анқарага қилган ташрифингизни меҳр билан эслайман. Шу муносабат билан Сизга энг самимий саломларимни йўллайман, Сизга қардош Қозоғистон халқига сиҳат-саломатлик, бахт-саодат ва фаровонлик тилайман, — деб ёзган Туркия раҳбари телеграммада.
Ўз навбатида, Давлат раҳбари Туркия Президентига ТДТ саммитида иштирок этиш учун расмий ташриф билан Анқарага борган Қозоғистон делегациясига кўрсатган самимий қабули учун миннатдорчилик билдирди.
— Мен Корея Республикасига кетаётиб, Қозоғистон ҳаво ҳудуди орқали учаётган Туркия Президенти Режеп Таййиб Эрдўғондан илиқ хабар олдим. Май ойида Туркия Президентининг Қозоғистонга давлат ташрифи ва яқинда Анқарага қилган ташрифим икки мамлакат ўртасидаги яқин алоқаларни яна бир бор таъкидлади. Президент Эрдўғонга Қозоғистон халқига йўллаган эзгу тилаклари ва Анқарага ташрифимиз давомида делегациямизга кўрсатилган катта меҳмондўстлик учун самимий миннатдорчилик билдираман. Келажакда икки мамлакат ўртасидаги дўстлик ва стратегик шерикликни янада мустаҳкамлаш ниятидаман, — деб ёзган Тоқаев.
I was pleased to receive a warm message from President @RTErdogan as he flew over Kazakhstan on his way to the Republic of Korea. His state visit to Kazakhstan in May and my recent visit to Ankara reaffirmed the close ties between our countries. I sincerely thank President Erdoğan for his kind wishes to the people of Kazakhstan and for the generous hospitality extended to our delegation during our visit to Ankara. I look forward to further strengthening the friendship and strategic partnership between our two nations.
— Qasym-Jomart Toqayev (@TokayevKZ) November 2, 2026
Эслатиб ўтамиз, 28 октябрь куни Қасим-Жомарт Тоқаев Туркияга расмий ташриф билан борди. Давлат раҳбарини Анқарадаги Этимесгут аэропортида Туркия Президенти Режеп Таййиб Эрдўғон кутиб олди.
