Эрдоған Қирғизистонга ташриф буюради
Қирғизистон Республикаси Президенти Администрацияси ташқи сиёсат бўлими бошлиғи Муратбек Азимбакиевнинг маълум қилишича, бўлажак ташриф доирасида Қирғизистон ва Туркия раҳбарлари кичик гуруҳда учрашади, шунингдек, Олий Мажлиснинг олтинчи йиғилиши бўлиб ўтади. Икки давлат раҳбарлари раислигида Стратегик ҳамкорлик кенгаши бўлиб ўтади.
“Ташриф якунлари бўйича икки давлат ўртасидаги стратегик ҳамкорликни кенгайтириш ва давлатлараро муносабатларни янада мустаҳкамлашга қаратилган қатор икки томонлама ҳужжатлар имзоланиши режалаштирилган. Шунингдек, 6 ноябрь куни Туркия Республикаси Президенти Режеп Таййип Эрдоған Туркий Давлатлар Ташкилоти саммитида иштирок этади”, – деди Муратбек Азимбакиев.
Аввалроқ, ҚР Президенти Қасим-Жомарт Тоқаев Президент Эммануэль Макроннинг таклифига биноан 4-5 ноябрь кунлари давлат ташрифи билан Франция Республикасида бўлиши ҳақида ёзган эдик.
