Елена Рибакина жаҳон рейтингида тўртинчи ўрнини сақлаб қолди

ASTANA. Kazinform - Аёллар теннис ассоциацияси (WТА) янгиланган рейтингини эълон қилди.

Жаҳон рейтингида кучли тўртликда ўзгариш кузатилмади.

Польша вакили Ига Швентек ҳамон пешқадам, беларуслик Арина Соболенко иккинчи, америкалик Кориа Гауфф учинчи, қозоғистонлик Елена Рибакина тўртинчи ўринни эгаллаб турибди.

Ўтган ҳафтада Дубай WТА 1000 турнирининг чорак финали олдидан Е.Рибакина соғлиғи туфайли ўйинда иштирок этишдан бош тортган эди.

Бугунги кунда К.Гауф ҳисобида 6 975 очко бор бўлса, қозоғистонлик теннисчи 6 848 очко билан ундан кейин бормоқда.

Қозоғистонлик Юлия Путинцева 77-дан 80-га, Жибек Қуламбаева 491-дан 493-га тушиб кетди.

Жуфтлик баҳсларида Бельгиялик Элизе Мертенс, тайбэйлик Се Шувэй ва австралиялик Сторм Хантер олдинда.

Жуфтликлар баҳсида Қозоғистоннинг биринчи ракеткаси Анна Данилина 47-дан 44-га кўтарилган бўлса, Ж.Қуламбаева 143-рақамда қолди. Ю.Путинцева 356-дан 357-га, узоқ вақтдан бери жуфтлик баҳсларида қатнашмаган Е.Рибакина эса 363-дан 517-га тушиб кетди.

Эслатиб ўтамиз, аввалроқ Дмитрий Попко АҚШдаги навбатдаги турнир ғолибига айлангани ҳақида ёзган эдик.

Муаллиф: Ғайсағали Сейтақ