Елена Рибакина ва Юлия Путинцева Мадрид Мастерс турнирида иштирок этади

ASTANA. Kazinform — Мадрид шаҳрида 23 апрелдан 4 майга қадар WТА 1000 турнири бўлиб ўтади.

Ушбу мусобақада Қозоғистондан Елена Рибакина ва Юлия Путинцева чиқиш қилади.

Тўртинчи ракетка сифатида рўйхатдан ўтган Е.Рибакина мусобақани иккинчи даврадан бошлайди. У дунёнинг 46-ракеткаси италиялик Лучия Бронцетти ёки саралаш баҳсларидан бири билан куч синашади. Агар ҳаммаси яхши кетса, Рибакина чорак финалда дунёнинг 6-ракеткаси хитойлик Чжэн Циньвэнь билан учрашиши мумкин.

Жаҳон рейтингида 50-ўринни эгаллаб турган Ю.Путинцева биринчи босқичда дунёнинг 37-ракеткаси, хитойлик Юань Юэ билан куч синашади.

Мадридда ўтган йилда бўлиб ўтган финалда рейтинг пешқадами, Польша вакили Ига Швентекни 6:3, 3:6, 6:3 ҳисобида мағлуб этган дунёнинг 2-ракеткаси, беларуслик Арина Соболенко энг яхши натижани қайд этган эди. 2023 йилда Е.Рибакина ҳам, Ю Путинцева ҳам иккинчи турдан нарига ўта олмади.

Бугун янгиланган WТА рейтингида Рибакина ва Путинцева аввалги ўринларида қолди.

Жуфтликлар баҳсида қозоғистонлик биринчи ракетка Анна Данилина 54дан 56чи ўринга, Жибек Қуламбаева 142-дан 141-га кўтарилди. Ю.Путинцева 365-ўринда қолган бўлса, асосан яккалик баҳсларида иштирок этаётган Е.Рибакина 543-ўриндан 548-ўринга тушиб кетди.

Эслатиб ўтамиз, аввалроқ Елена Рибакина Штутгарт турнирида илк бор чемпион бўлгани ҳақида ёзган эдик.