Елена Рибакина ва Россиянинг энг яхши теннисчиси ўртасидаги учрашув қачон бўлиб ўтади

ASTANA. Kazinform – 12 август, шанба куни эрталаб қозоғистонлик теннисчи Елена Рибакина (WТА рейтингида 4-ўрин) Монреал (Канада)даги турнирнинг чорак финалида россиялик Дарья Касаткинага (14-ўрин) рақиблик қилади, деб хабар беради Kazinform Sports.kzга таяниб.

Айни дамда Елена Рибакина яккалик баҳсларида Қозоғистоннинг энг яхши теннисчиси, Дарья Касаткина эса Россиянинг биринчи ракеткаси.

Монреалдаги турнирдаги чиқишларига келсак, Рибакина Женнифер Брэдини (584-ўрин) - 6:7, 7:6, 6:3 ҳисобида ғалаба билан бошлади, кейин эса Слоан Стивенсни (38-ўрин) - 6:3, 6:3 ҳисобида мағлуб этди.

Касаткина Элиза Мертенсни (29-ўрин) – 6:4, 6:2, Анна Блинковани (34-ўрин) – 6:2, 7:5 ва Мария Боузковани (37-ўрин) – 6:3, 6:4 ҳисобида енгди.

Хабар берганимиздек, Монреалдаги WТА 1000 турнирининг 1/8 финалида Елена Рибакина US Open-2017 чемпиони америкалик Слоан Стивенсни мағлуб этди.