Елена Рибакина соғлиғи сабабли Рим турнирида иштирок этишдан бош тортди
ROME. Kazinform – Қозоғистоннинг биринчи, дунёнинг 4-ракеткаси Елена Рибакина Римдаги WТА 1000 турнирида ўтган йилги чемпионлик унвонини ҳимоя қилишдан бош тортди.

Shampionat.com сайтидан олинган маълумотларга кўра, бунга теннисчининг касаллиги сабаб бўлган. Е.Рибакина бугун иккинчи даврада дунё рейтингида 161-ўринни эгаллаб турган руминиялик Ирина Бегу билан ўйнаши керак эди. Энди унинг ўрнини франциялик Осеан Доден эгаллайди.
Шу тариқа, Елена Рибакина Римда чемпионлик унвонидан ташқари ўтган йилги рейтинг очкосидан ҳам маҳрум бўлди.
“Бу йил Рим турнирида қатнашмаганимдан афсусдаман. Мусобақаларда қатнашиш учун ўзимни яхши ҳис қилмаяпман. Ўтган йилги мусобақадан яхши хотиралар қолди. Мен унвонимни ҳимоя қилишга интилдим. Рим мен учун алоҳида шаҳар. Энди келаси йил чемпионлик унвонимни қайтариб, италиялик мухлислар қаршисида ўйнашни кутяпман”, – деди қозоғистонлик теннисчи.
Эслатиб ўтамиз, аввалроқ Юлия Путинцева Римда АҚШ чемпионини мағлуб этгани ҳақида ёзган эдик.