Елена Рибакина Штутгарт мусобақасининг ярим финалига чиқди

STUTTGART. Kazinform – Қозоғистоннинг биринчи, дунёнинг 4-ракеткаси Елена Рибакина Штутгартда (Германия) ўтказилаётган WТА 500 турнирининг ярим финалига чиқди.

Қозоғистонлик теннисчи чорак финалда дунёнинг 14-ракеткаси, Италия вакили Ясмин Паолини билан учрашди.

Бунгача рақиблар уч марта тўқнаш келишган, шундан иккитасида италиялик спортчининг омади келган.

Бу сафар Рибакина биринчи партияда 6:3 ҳисобида зафар қучди.

Иккинчисида Паолини жавоб қайтарди - 7:5.

Охирги, ҳал қилувчи сетда Рибакина ғалаба қозонди - 6:3.

Икки соату 10 дақиқа давом этган беллашувда Елена 15 та брейк-пойнтдан 5 тасини ва 7 та эйсни ишлатди. Ясмин 4 та брейк (7 брейк-пойнт) билан ажралиб турди.

Елена Рибакина финалга чиқиш учун жаҳоннинг 1-рақамли, “Катта дубулға” турнирининг тўрт карра чемпиони, польшалик Ига Швентек ёки 303-ўриндаги Буюк Британия вакили, 2021 йилги АҚШ чемпионати ғолиби Эмма Радукану билан рақобатлашади.

Эслатиб ўтамиз, аввалроқ Елена Рибакина Штутгарт турнирида чорак финалга чиққани ҳақида ёзган эдик.