Елена Рибакина Пекинда Осиё чемпионини йирик ҳисобда енгди

Қозоғистоннинг биринчи, дунёнинг 5-ракеткаси Елена Рибакина Пекинда (Хитой) WТА 1000 турнирининг иккинчи босқичига чиқди.

Қозоғистонлик теннисчи илк даврада дунёнинг 23-ракеткаси, бу йилги Осиё ўйинлари ғолиби хитойлик Чжэн Циньвэнь билан куч синашди.

Биринчи партияни Рибакина икки брейк билан осон якунлади – 6:1.

Елена иккинчи сетда ҳам имкониятни бой бермади - 6:2.

Бир соату бир дақиқа давом этган баҳсда қозоғистонлик спортчи 3 та эйс амалга оширди ва 7 та брейк-пойнтнинг 4 тасидан фойдалана олди.

Елена Рибакина иккинчи босқичда дунёнинг 53-рақами, германиялик Татьяна Мария билан учрашади.