Елена Рибакина дунёнинг биринчи ракеткасини мағлуб этиб, Германиядаги турнир финалига чиқди

ASTANA. Kazinform - Теннис бўйича Қозоғистон аёллар терма жамоаси етакчиси Елена Рибакина Штутгартда (Германия) ўтказилаётган WTA 500 — Porsche Tennis Grand Prix турнирининг финал босқичига йўл олди, дея хабар беради Kazinform агентлиги Olympic.kzга таяниб.

Ярим финалда Рибакина дунёнинг биринчи рақамли ракеткаси Ига Швентекни (Польша) мағлуб этди.

Учрашув 6:3, 4:6, 6:3 ҳисобида якунланди.

Рибакина ҳал қилувчи баҳсда Марта Костюк (Украина) – Маркета Вондроушева (Чехия) жуфтлиги ғолиби билан чемпионлик учун кураш олиб боради.

Аввалги босқичда Қозоғистоннинг биринчи ракеткаси россиялик Вероника Кудерметовадан (19-ўрин) кучлироқ бўлиб чиқди – 7:6, 1:6, 6:4.