Елена Рибакина Доҳа турнирининг чорак финалига чиқди

ASTANA. Kazinform – Қозоғистоннинг биринчи, дунёнинг 4-ракеткаси Елена Рибакина Доҳада (Қатар) бўлиб ўтаётган WТА 1000 турнирининг чорак финалига чиқди.

Елены Рыбакина
Фото: ҚТФ

Мусобақанинг 3-ракеткаси сифатида қайд этилган қозоғистонлик теннисчи учинчи босқичда дунё рейтингида 23-ўринни эгаллаб турган 22 ёшли америкалик Эмма Наварро билан маҳорат кўрсатди.

Биринчи партияда Рибакина 5:0 ҳисобида олдинга чиқиб олди ва ҳисобни яна оширди - 6:1.

Кескин курашлар остида ўтган иккинчи сетдаги тай-брейкда Наварронинг омади келди – 7:6 (8:6).

Учинчи, ҳал қилувчи партияда Елена брейк билан 4:2 ҳисобида олдинга чиқиб олди. Якунда у ўз устунлигини қўлдан бой бермади - 6:4.

Икки соату 10 дақиқа давом этган шиддатли беллашувда қозоғистонлик спортчи 10 та эйс бажарди ва 10 та брейк-пойнтдан олтитасини фойдаланди. Э.Наварро 2 та эйс билан 4 та брейк-пойнтдан 2 тасини ишлатди.

Елена Рибакина ярим финалга чиқиш учун 2021 йилги АҚШ Очиқ чемпионати финалчиси ва дунёнинг 38-ракеткаси канадалик Лейла Фернандес билан беллашади. Учинчи босқичда у дунёнинг 7-ракеткаси, бу йилги Австралия очиқ чемпионати финалчиси хитойлик Чжэн Циньвэньни 7:5, 6:3 ҳисобида мағлуб этди.

Сўнгги хабарлар