Елена Рибакина Берлин турнирини ғалаба билан бошлади

ASTANA. Kazinform – Қозоғистоннинг биринчи ва жаҳоннинг 3-ракеткаси Елена Рибакина Берлинда (Германия) ўтказилаётган WТА 500 турнирининг иккинчи босқичига йўл олди, деб хабар беради Kazinform мухбири.

Мусобақанинг иккинчи ракеткаси сифатида рўйхатдан ўтган қозоғистонлик теннисчи биринчи даврада саралаш баҳслари ғолибларидан бири, дунё рейтингида 139-ўринни эгаллаб турган 20 ёшли россиялик Полина Кудерметова билан учрашди.

Биринчи ўйинда ҳисоб 5:4 бўлиб турганида, Елена брейк қилишга муваффақ бўлди – 6:4.

Иккинчи сетда Рибакина 3:0 ҳисобида олдинга чиқиб олди. Ниҳоят, у учрашувни навбатдаги брейк билан якунлади - 6:2.

Бир соатдан ортиқ давом этган баҳсда Е.Рибакина 9 та эйс амалга оширди ва 11 та брейк-пойнтдан 3 тасидан фойдаланди. Полина Кудерметова 9 эйс билан чекланди.

Муаллиф: Ғайсағали Сейтақ