Елена Рибакина Аделаида турнирининг жуфтлик баҳсларида финалга чиқди

ASTANA. Kazinform – Қозоғистоннинг биринчи ракеткаси Елена Рибакина жуфтлик баҳсларида Аделаида (Австралия) шаҳрида ўтказилаётган WТА 500 турнирининг финал босқичига чиқди, деб хабар беради Kazinform мухбири.

Е.Рибакина россиялик Анастасия Павлюченкова билан биргаликда ярим финалда мусобақанинг учинчи ракеткалари украиналик Людмила Киченок ва латвиялик Елена Остапенко билан куч синашди.

Қозоғистон-Россия жуфтлиги биринчи ўйиндаёқ устунлигини қўлдан бой бермади – 6:4, 7:5.

Бир ярим соат давом этган баҳсда Қозоғистон-Россия дуэти 4 та эйс амалга ошириб, 15 та брейк-пойнтдан 3 тасини қўлга киритди. Рақиблар 1 тадан ортиқ брейк олишмади.

Шу тариқа, Е.Рибакина А.Павлюченкова билан биргаликда ўз фаолиятида иккинчи марта WТА финал босқичига йўлланма олди.

Улар сўнгги мусобақа ғолибига қараб бош соврин учун курашади: чехиялик Мириам Колодзьежова – Маркета Вондроушова ёки бразилиялик Луиса Стефани – америкалик Тейлор Таунсенд.

Эслатиб ўтамиз, аввалроқ Елена Рибакина жуфтлик баҳсларида Аделаида турнирининг ярим финалга чиққани ҳақида хабар берилган.

Юлия Путинцева ҳам Австралиядаги мусобақанинг чорак финалига чиқди.

Муаллиф: Ғайсағали Сейтақ