Елена Рибакина Абу-Дабидаги турнирнинг чорак финалига чиқди
ABU-DHABI. Кazinform — Қозоғистоннинг биринчи, дунёнинг 5-ракеткаси Елена Рибакина Абу-Даби WТА 500 турнирининг чорак финалига чиқди.

Австралия очиқ чемпионатидаги муваффақиятсизликдан сўнг рейтингда 5-ўринга тушиб кетган Е.Рибакина учун бу мусобақа муҳим эди.
Мусобақанинг биринчи ракеткаси сифатида қайд этилган қозоғистонлик теннисчи иккинчи босқичда 71-ўринни эгаллаб турган америкалик Даниэль Коллинзга қарши кортга чиқди.
Бунгача улар уч марта тўқнаш келишган ва шулардан иккитасида Елена Рибакина ғалаба қозонган.
Бу сафар Коллинз ўзининг осон чақиладиган ёнғоқ эмаслигини кўрсатди ва биринчи партияда ғалаба қозонди — 6:4.
Бироқ, иккинчи сетда Елена жавоб қайтарди - 6:3.
Учинчи, ҳал қилувчи сетда қозоғистонлик спортчи ғалаба қозонди – 6:3.
Икки соату 20 дақиқа давом этган шиддатли баҳсда Елена Рибакина 13 та брейк-пойнтдан 6 тасини ва 3 та эйсни ишлатди. Рақиб 2 та эйс, 4 брейк (9 брейк) билан чекланди.
Елена Рибакина ярим финалга чиқиш учун дунёнинг 74-ракеткаси, испаниялик Кристина Буча ёки рейтингда 156-ўринни эгаллаб турган британиялик Хитер Уотсон билан куч синашади.