Елена Рибакина Абу-Дабида чемпионлик учун кураш олиб боради
АBU DHABI. Кazinform - Қозоғистоннинг биринчи, дунёнинг 5-ракеткаси Елена Рибакина Абу-Даби (БАА) WТА 500 турнири финалига чиқди.
Ярим финалда қозоғистонлик теннисчи дунё рейтингида 15-ўринни эгаллаган россиялик Людмила Самсонова билан тўқнаш келди.
Л.Самсонова Е.Рибакина учун ноқулай рақиб бўлди. Бунгача улар тўрт марта тўқнаш келишган ва барчасида россиялик теннисчининг қўли баланд келган.
Бу сафар Елена Рибакина биринчи партияда Л.Самсоновага бирорта ҳам гейм бермади - 6:0.
Бироқ иккинчи сетда россиялик спортчи кетма-кет иккита брейкни амалга оширди - 4:1. Рибакина ҳисобни 3:4 га қисқартирган бўлса-да, ундан узоққа бора олмади - 4:6.
Учинчи, ҳал қилувчи ўйинда Елена брейк билан олдинга чиқди - 4:1. Кейин эса учрашувни навбатдаги брейк билан якунлади - 6:2.
Шу тариқа Е.Рибакина Л.Самсонованинг олдинги мағлубиятлари учун бир марта реванш олди.
Деярли икки соат давом этган баҳсда Е.Рибакина 9 та эйс ва 15 та брейк-пойнтдан олтитасини ишлатди.
Л.Самсонова 6 та эйс, 2 та брейк (3 та брейк-пойнт) билан ажралиб турди.
Елена Рибакина финалда дунёнинг 14-ракеткаси, яна бир россиялик Дарья Касаткина билан чемпионлик учун курашади. У уч соат давом этган ўта кескин беллашувда рейтингда ўзидан бир поғона юқорида турган бразилиялик Беатрис Хаддад Майяни мағлуб этди – 6:3, 4:6, 7:6 (7:1).
