Эксперт: Жанубий Кореядаги авиаҳалокатда йўловчилар ҳалок бўлишининг олдини олиш мумкин эди

ASTANA. Kazinform - Британиялик авиация хавфсизлиги эксперти Дэвид Лермонтнинг фикрича, Jeju Air авиакомпанияси «Боинг» экипажи ва йўловчиларида тирик қолиш имконияти бўлган, деб хабар беради Кazinform агентлиги Euronewsга таяниб.

Жанубий Кореядаги Jeju Air авиакомпаниясининг Boeing 737 ҳалокатига учиш-қўниш йўлагидан нарироқда жойлашган бетон тўсиқ сабаб бўлган ва у ерда бўлмаслиги керак эди. Бу фикрни парвозлар хавфсизлиги бўйича британиялик эксперт Дэвид Лермонт билдирди.

— Бўлган воқеадан даҳшатга тушдим, чунки бу ҳолатда ўлимга учувчи қўниш учун қанот ва шассимонларни қўйиб юбора олмагани сабаб бўлмаган. Самолёт учиш-қўниш йўлагидан ташқарида бўлмаслиги керак бўлган қаттиқ конструкция билан тўқнашиб кетганида йўловчилар ҳалок бўлди, —деб изоҳлади Лермонт.

 

Бетон пойдеворда, тепасида радиомаёқлар ўрнатилган структура тунги ёки ёмон об-ҳаво шароитида самолётларнинг ҳаракатини тартибга солиш учун ишлатилган. У учиш-қўниш йўлаги тугаган жойдан атиги 250 метр нарида жойлашган эди.

Экспертнинг сўзларига кўра, бундай қурилмалар одатда тўғридан-тўғри ерга ўрнатилади. Boeing экипажи ва йўловчиларининг ўлимини олдини олиш мумкин эди, деб ҳисоблайди Лермонт.

- Учувчи самолётни жуда тез қўндириши керак эди. Шунинг учун у учиш-қўниш йўлаги четидан чиқиб кетди. Аниқки, самолётлар баъзан учиш-қўниш йўлагининг четидан чиқиб кетганлиги сабабли, бундай қаттиқ тузилмалар унинг орқасида дарҳол ўрнатилмайди, - дея таъкидлади эксперт.

Жанубий Корея расмийлари ҳалокатдаги “қаттиқ тузилма” ролини ўрганаётганини маълум қилди. Хабар қилинишича, Жанубий Кореянинг бошқа аэропортларида бетон асосларда радио навигация тизимлари топилган.

Жанубий Корея президенти вазифасини бажарувчи Чой Сан-Мок мамлакат бўйлаб авиация хавфсизлигини синчиклаб текширишни буюрди.

Эслатиб ўтамиз, 29 декабрь, якшанба куни Жанубий Кореянинг Муан аэропортида авиаҳалокат содир бўлиб, 179 киши ҳалок бўлган, фақат икки нафари тирик қолган. Жанубий Кореяда самолёт ҳалокати муносабати билан бир ҳафталик мотам эълон қилинди.