Дмитрий Попко Қозоғистоннинг учинчи ракеткаси бўлди

ASTANA. Kazinform — Профессионал теннисчилар уюшмаси (ATP) янгиланган рейтингни эълон қилди.

Қозоғистоннинг биринчи ракеткаси Александр Бублик 77-дан 76-га кўтарилган бўлса, Александр Шевченко 105-дан 106-га тушиб кетди.

Охирги икки ҳафтада Мексикада муваффақиятли иштирок этган Дмитрий Попко жаҳон рейтингида юқорилаб бормоқда. Бир ҳафта олдин у 245-ўриндан 175-ўринга кўтарилган бўлса, ҳозир дунёнинг 159-ракеткаси бўлди. Михаил Кукушкин 160-дан 162-га тушиб кетганидан сўнг, Д.Попко Қозоғистоннинг учинчи ракеткасига айланди.

Тимофей Скатов 174-дан 179-га, Бейбит Жуқаев 192-дан 205-га тушди.

Жуфтлик баҳсларида Александр Недовесов 84-дан 109-га тушиб кетди, А.Бублик эса 133-ўринда.

Аёллар ўртасида Елена Рибакина WТА рейтингида ўнинчи, Юлия Путинцева эса 23-ўринни сақлаб қолди.

Жуфтлик баҳсларида Анна Данилина 17-ўриндан 18-ўринга тушиб кетди, Ю.Путинцева 75-ўрин, Жибек Қуламбаева 162-ўринни эгаллади.