Дмитрий Попко Бразилиядаги мусобақанинг жуфтлик баҳсларида финал босқичига йўлланма олди

ASTANA. Kazinform – Қозоғистонлик теннисчи Дмитрий Попко Ресифе (Бразилия) ITF турнирининг жуфтлик баҳсларида финал босқичига йўлланма олди.

Мусобақанинг 3-ракеткаси сифатида рўйхатдан ўтган қозоғистонлик теннисчи ва бразилиялик Даниэль Дутра Да Сильва ярим финалда америкалик Харрисон Адамс ва франциялик Квентин Фольога қарши кортга чиқди.

Учрашув давомида Қозоғистон-Бразилия жуфтлигининг устунлиги яққол кўринди - 6:3, 6:1.

Дмитри Попко – Даниэль Дутра Да Сильва чемпионлик учун баҳснинг 2 ракеткаси, корт эгалари Луис Бритто – Пауло Андре Сарайва Дос Сантос билан кураш олиб боради.

Д.Попко яккалик баҳсларида 392-ўринни эгаллаб турган яна бир бразилиялик Матеуш Алвеш билан ярим финал учрашувини ўтказади.

Эслатиб ўтамиз, аввалроқ қаторасига 22 учрашувда ғалаба қозонган Дмитрий Попко Бразилияда ярим финалга чиққани ҳақида ёзган эдик.

Юлия Путинцева Индиан-Уэллс турнирининг учинчи босқичига чиқди.