Дмитрий Попко Аргентинадаги турнирнинг финал босқичига йўлланма олди

ASTANА. Кazinform — Қозоғистонлик, дунёнинг 309-ракеткаси Дмитрий Попко Тукуман (Аргентина) ITF турнири финалига чиқди. Мусобақанинг 3-ракеткаси сифатида рўйхатдан ўтган қозоғистонлик теннисчи ярим финалда дунё рейтингида 352-ўринни эгаллаб турган аргентиналик Федерико Агустин Гомес билан учрашди.

Қизғин кечган баҳсда Д.Попко 4:6, 6:2, 6:1 ҳисобида ғалаба қозонди.

Дмитрий Попко финалда дунёнинг 335-ракеткаси бразилиялик Педро Сакамотога қарши бош соврин учун курашади.

Қозоғистонлик теннисчи кетма-кет тўртинчи бор ITF турнирининг финал босқичига чиқди. Унинг ғалабали серияси 19 та ўйинга етди.

Эслатиб ўтамиз, аввалроқ Михаил Кукушкин Испанияда кетма-кет 11 учрашувда ғалаба қозониб, финалга чиқди.