Дмитрий Попко АҚШдаги мусобақада чемпион бўлди

ASTANA. Kazinform – Қозоғистонлик теннисчи, дунёнинг 339-ракеткаси Дмитрий Попко АҚШнинг Флорида штати Санрайз шаҳрида бўлиб ўтган ITF турнири ғолибига айланди.

Мусобақанинг 2-ракеткаси сифатида қайд этилган қозоғистонлик теннисчи жаҳон рейтингида 538-ўринни эгаллаб турган америкалик Алекс Рибаков билан чемпионлик учун кураш олиб борди.

Дастлабки партияда Д.Попко 7:5 ҳисобида ғалаба қозонди.

Иккинчи сетда америкалик теннисчи 2:0 ҳисобида олдинга чиқиб олди. Бироқ шундан сўнг Дмитрий Попко кетма-кет олтита геймда ғалаба қозонди – 6:2.

Мусобақа баҳслари деярли икки соат давом этди.

Эслатиб ўтамиз, аввалроқ Елена Рибакина Абу-Даби турнири ғолибига айлангани ҳақида ёзган эдик.