Дмитрий Попко АҚШдаги “челленжер” мусобақасида иккинчи ғалабасини қўлга киритди

Қозоғистонлик теннисчи Дмитрий Попко Саваннадаги (АҚШ) “челленжер” мусобақасининг яккалик баҳсларида иккинчи ғалабасини қўлга киритди, деб хабар беради Каzinform агентлиги Sports.kzга таяниб.

1/8 финалда Попко америкалик Этан Куинн (248-ўрин) билан учрашди ва уни уч сетда мағлуб этди - 6:4, 5:7, 6:3.

Учрашув 2 соат 32 дақиқа давом этди. Дмитрийнинг навбатдаги рақиби Денис Кудла (АҚШ, 192-ўрин) - Гийс Брувер (Нидерландия, 252-ўрин) учрашуви ғолиби бўлади.

Дмитрий Попко Саваннадаги турнирни америкалик теннисчи Бруно Кузухара (462-ўрин) устидан қозонилган ғалаба билан бошлади – 6:3, 6:4.

“Челленжер” мукофот жамғармасига келсак, у 82 000 долларни ташкил этади.