Дмитрий Попко АҚШда уч соат давом этган баҳсда рақибини мағлуб этиб, ярим финалга чиқди
ASTANА. Kazinform – Қозоғистонлик, дунёнинг 339-ракеткаси Дмитрий Попко АҚШнинг Флорида штати Санрайз шаҳрида ITF турнирининг ярим финалига йўлланма олди.

Мусобақанинг 2-ракеткаси сифатида қайд этилган қозоғистонлик теннисчи чорак финалда жаҳон рейтингида 821-ўринни эгаллаб турган америкалик Аксель Нифве билан учрашди.
Мусобақа 3 соат 7 дақиқа давом этди.
Биринчи партияда тай-брейкда 7:6 (11:9) ҳисобида америкалик теннисчи устун келган бўлса, кейин Попко ўйинни ўз фойдасига ҳал қила олди – 7:5, 6:2.
Д.Попконинг америкалик Хенрик Вирсхольм билан иккинчи давра учрашуви ҳам 3 соат 11 дақиқа давом этган эди.
Дмитрий Попко финалга чиқиш учун дунёнинг 758-ракеткаси доминиканлик Питер Бертран билан куч синашади.
Эслатиб ўтамиз, аввалроқ Елена Рибакина Абу-Даби турнирида ярим финалига чиққани ҳақида хабар берган эдик.
Шунингдек, Михаил Кукушкин Ноттингем турнирининг чорак финалига йўлланма олди.