Денис Евсеев Испаниядаги мусобақанинг биринчи ракеткасини енгди

ASTANA. Kazinform – Қозоғистоннинг иккинчи, дунёнинг 184-ракеткаси Денис Евсеев Тенерифе (Испания) шаҳрида ўтказилаётган челленжер турнирида чорак финалга чиқди.

Қозоғистонлик теннисчи иккинчи даврада жаҳон рейтингида 103-ўринни эгаллаб турган ва ушбу мусобақанинг 1-ракеткаси италиялик Фабио Фоньинини енгди.

Биринчи партияда Д.Евсеев 6:3 ҳисобида ғалаба қозонган бўлса, иккинчи партияда 1:6 ҳисобида мағлуб бўлди.

Ҳал қилувчи учинчи сетда Денис яна ўзининг юксак маҳоратини намойиш этди – 6:3.

Бир соату 45 дақиқа давом этган мусобақада қозоғистонлик спортчи 5 та эйс амалга ошириб, 12 та брейк-пойнтдан 4 тасини қўлга киритди. Италиялик теннисчи 2 та эйс, 4 брейк (9 брейк-пойнт) амалга оширишга муваффақ бўлди.

Денис Евсеев ярим финалга чиқиш учун яна бир италиялик, рейтингда 337-ўринни эгаллаб турган Самюель Винсент Ружери билан куч синашади.