Денис Евсеев Бельгиядаги турнирнинг асосий босқичига чиқди

ASTANА. КAZINFORM - Қозоғистоннинг иккинчи, дунёнинг 184-ракеткаси Денис Евсеев Оттиньи-Лувен-ла-Нёв (Бельгия) шаҳрида бўлиб ўтаётган челленжер турнирига йўлланма олди.

Саралаш баҳсларининг финалида қозоғистонлик теннисчи дунё рейтингида 277-ўринни эгаллаб турган туркиялик Жем Илкелга қарши кортга чиқди.

Бир соатдан ортиқ давом этган баҳсда Д.Евсеев 6:3, 6:1 ҳисобида зафар қучди. У 4 та эйс билан бирга 8 та брейк-пойнтдан 5 тасини ишлатди. Ж. Илкел 2 эйс, 1 брейк билан чекланди.

Шу тариқа, асосий мусобақага йўлланма олган Денис Евсеевнинг навбатдаги рақиби кейинроқ аниқланади.

Эслатиб ўтамиз, аввалроқ Асилжан Аристанбекова Австралия чемпионатида ўсмирлар ўртасида чорак финалга чиққани ҳақида хабар берган эдик.

Ғайсағали Сейтақ