Давлат раҳбари Ўмон Султонини Астана аэропортида кутиб олди
ASTANА. Кazinform — Президент Қасим-Жомарт Тоқаев мамлакатга давлат ташрифи билан келган Ўмон Султони Ҳайсам бин Ториқ Ол Саидни Астана аэропортида кутиб олди. Бу ҳақда Ақорда хабар берди.
— Қозоғистон Республикаси Ҳарбий-ҳаво кучлари самолётлари давлат чегарасидан Астанагача Ўмон Султони борти билан учиб ўтди, — дейилади хабарда.
Фахрий қоровул ротаси ва Президент оркестри олий мартабали меҳмонни кутиб олиш учун учиш-қўниш йўлагида саф тортди.
Эслатиб ўтамиз, 5-6 октябрь кунлари Президент Қасим-Жомарт Тоқаевнинг таклифига биноан Ўмон Султони Ҳайсам бин Ториқ Ол Саид Қозоғистонга давлат ташрифи билан келиши ҳақида ёзган эдик.
Олий даражадаги музокаралар давомида томонлар сиёсий мулоқотни мустаҳкамлаш, шунингдек, савдо-иқтисодий, инвестиция ва маданий-гуманитар ҳамкорликни кенгайтириш истиқболларини муҳокама қилишлари кутилмоқда.
Давлат раҳбарлари шунингдек, Қозоғистон-Ўмон бизнес форумида иштирок этадилар.
