Давлат раҳбари Сербия Президенти Александр Вучич билан кичик таркибда музокаралар ўтказди

ASTANA. Kazinform - Қасим-Жомарт Тоқаев Александр Вучичга меҳмондўстлиги учун миннатдорчилик билдириб, унинг Қозоғистон Пезиденти сифатида Сербияга илк ташрифи алоҳида аҳамиятга эга эканини таъкидлади. Шунингдек, у ушбу ташриф Қозоғистон-Сербия муносабатларининг янги босқичига йўл очишини таъкидлади.

Бу ҳақда Ақорда матбуот хизмати хабар берди.

Давлат раҳбари икки давлат ўртасидаги ўзаро манфаатли ҳамкорлик доимо дўстлик, сиёсий мулоқот ва ўзаро ёрдамга таянишини таъкидлади.

Қасим-Жомарт Тоқаевнинг сўзларига кўра, сўнгги йилларда Астана ва Белград ўртасида иқтисодий ҳамкорликни мустаҳкамлаш, савдо ва сармоявий алоқаларни фаол ривожлантириш бўйича аниқ чора-тадбирлар амалга оширилмоқда.

Фурсатдан фойдаланиб, Қасим-Жомарт Тоқаев Александр Вучич ва Сербия халқига баҳорги сув тошқинлари даврида кўрсатган ёрдами учун миннатдорчилик билдирди. Давлат раҳбари буни икки давлат ўртасидаги чинакам дўстликнинг ёрқин ифодаси сифатида баҳолади.

Александр Вучич мамлакатлар ўртасидаги ҳамкорлик ўзаро ҳурмат ва ишонч асосида ривожланиб бораётганини таъкидлади.

Сербия Президентининг сўзларига кўра, Белград иқтисодий муносабатларнинг асосий йўналишлари, жумладан, савдо ва сармоявий ҳамкорлик бўйича қўшма лойиҳаларни амалга ошириш орқали Қозоғистон билан ҳамкорликни янада чуқурлаштириш ниятида.

Александр Вучич Сербия мамлакат билан сиёсий мулоқотни мустаҳкамлаш тарафдори эканини тасдиқлади ва халқаро майдонда ҳаракатларни мувофиқлаштириш муҳимлигини таъкидлади.

Учрашувда давлат раҳбарлари Қозоғистон ва Сербия муносабатларини янада мустаҳкамлаш истиқболларини, икки томонлама ҳамкорликнинг янги йўналишларини муҳокама қилдилар. Бундан ташқари, томонлар минтақавий ва халқаро кун тартибидаги долзарб масалалар юзасидан фикр алмашдилар.

Сербия саройи олдидаги майдонда Давлат раҳбари Қасим-Жомарт Тоқаевни расмий кутиб олиш маросими бўлиб ўтди.