Сербияда Давлат раҳбарини расмий кутиб олиш маросими бўлиб ўтди
ASTANА. Кazinform - Сербия саройи олдидаги майдонда Давлат раҳбари Қасим-Жомарт Тоқаевни расмий кутиб олиш маросими бўлиб ўтди, деб хабар беради Ақорда.
Қозоғистон Президентининг ташрифи муносабати билан фахрий қоровул саф тортди. Фахрий қоровул бошлиғининг ҳисоботидан сўнг ҳар икки давлат мадҳиялари янгради, ўнта тўпдан ўқ узилди. Шундан сўнг президентлар расмий делегация аъзоларини бир-бирларига таништирдилар.
Маросимдан сўнг давлат раҳбарлари музокаралар залига йўл олишди.
Эслатиб ўтамиз, кеча Қасим-Жомарт Тоқаевни Белград аэропортида Сербия Президенти Александр Вучич кутиб олди.
Бу мамлакат ҳарбий-ҳаво кучларининг самолёти Қозоғистон Президентини Сербия осмонида кузатиб борди.
Давлат раҳбарлари икки мамлакатнинг сиёсий, савдо-иқтисодий, транспорт-логистика ва маданий-гуманитар соҳалардаги ўзаро ҳамкорлиги истиқболларини муҳокама қиладилар.
