Давлат раҳбари: Она тили масаласи — давлат, сиёсий ва миллий аҳамиятга эга мавзу
ASTANА. Кazinform — Давлат раҳбари Қасим-Жомарт Тоқаев Халқаро «Қазақ тілі» жамиятининг Х қурултойида нутқ сўзлади.
— Халқаро «Қазақ тілі» жамиятининг Х қурултойида барчангиз билан бирга йиғилганимиздан мамнунман. Бугунги йиғилишнинг аҳамияти алоҳида. Чунки она тили масаласи — давлат, сиёсий ва миллий аҳамиятга эга мавзу, — деди Қасим-Жомарт Тоқаев Мустақиллик саройида бўлиб ўтаётган анжуманда.
Президентнинг сўзларига кўра, тил бугунги кунда дунёда долзарб ва нозик масалага айланди.
— Барчамиз бу жараённинг гувоҳимиз. Аввало, бу ерда сўзга чиққан ва мазмунли фикрлари билан ўртоқлашган фуқароларга миннатдорчилик билдирмоқчиман. Муҳим фикрлар ва оқилона таклифлар билдирилди. Буларнинг барчаси диққат билан кўриб чиқилиши ва келгусидаги ишимизда ҳисобга олиниши керак, — деди Давлат раҳбари.
Кеча Давлат раҳбари Халқаро «Қазақ тілі» жамияти раиси Рауан Кенжеханулини қабул қилди.
