Давлат раҳбари Франция элчиси Сильван Гиогени қабул қилди
ASTANА. Кazinform - Президент Қасим-Жомарт Тоқаев Франция элчисини янги лавозими билан табриклади ва унинг дипломатик миссияси икки томонлама муносабатлар жуда фаол ривожланаётган даврга тўғри келишини таъкидлади, деб хабар беради Ақорда матбуот хизмати.
Давлат раҳбари Қозоғистон Франция билан ўртадаги ҳамкорликни янада чуқурлаштириш ниятида эканини таъкидлаб, элчи Сильван Гиогега масъулиятли лавозимида муваффақиятлар тилади.
Учрашувда Қозоғистон Президенти Қасим-Жомарт Тоқаевнинг Франция Республикасига давлат ташрифи тафсилотлари муҳокама қилинди.
Президент мазкур ташриф Астана ва Париж ўртасидаги муносабатлар келажагини белгилаб бериши, Қозоғистон-Франция стратегик шериклигини мустаҳкамлашга янги суръат бағишлашига ишонч билдирди.
Бундан аввал Давлат раҳбари Қасим-Жомарт Тоқаев Президент Эммануэль Макроннинг таклифига биноан 4-5 ноябрь кунлари давлат ташрифи билан Франция Республикасида бўлиши ҳақида ёзган эдик.
