CNN Travel Алмати шаҳрини дунёдаги энг яхши сайёҳлик йўналишларидан бири деб тан олди

ASTANA. Kazinform — ҚР Туризм ва спорт вазирлиги Алмати шаҳрини халқаро туризм харитасидаги муҳим йўналиш деб атади.

«Алмати Қозоғистоннинг асосий туристик маркази ҳисобланади. Расмий статистик маълумотларга кўра, 2024 йилнинг 9 ойида шаҳарга келган сайёҳлар сони 14 фоизга ошиб, 1,7 миллион кишига етган. Улар орасида хорижлик сайёҳлар сони 507,5 минг нафарга, маҳаллий сайёҳлар сони эса 1,2 миллион кишига етди», - деб ёзади вазирлик.

Туристлар сонининг кўпайиши асосий капиталга инвестициялар ҳажмининг ошиши билан бирга келади. Туризм соҳасида асосий капиталга йўналтирилган инвестициялар ҳажми 110,9 млрд. тенгени ташкил этган. Хорижлик сайёҳлар харажатлари эса маҳаллий меҳмонлар харажатларидан 8,7 баробар кўп. Бу хорижлик меҳмонлар минтақа иқтисодиёти учун жуда муҳим аудитория эканлигини кўрсатади.

Алмати хориждан келган меҳмонлар учун машҳур манзиллардан бири дейиш мумкин. Энг кўп сайёҳлар Россия, Ҳиндистон, Хитой, Туркия ва АҚШдан келган. Алмати шаҳрининг сайёҳлик салоҳияти халқаро майдонда муваффақиятли тарғиб қилинмоқда.

CNN Travel Алмати шаҳрини дунёдаги энг яхши сайёҳлик йўналишларидан бири деб эълон қилди, New York Times шаҳарни “Саёҳатга арзийдиган 52 та жой” рўйхатига киритди. Шунингдек, Conde Nast Traveller Italia қишки спорт турлари учун энг яхши жойлар қаторига “Шймбулоқ”ни ҳам киритди.

Аввал хабар қилинганидек, ўтган йили “Шимбулоқ” тоғ-чанғи курортига 1,5 миллион меҳмон ташриф буюрган.