Чад пойтахтидаги президент саройига ҳужум: 19 киши ҳалок бўлди
ASTANA. Kazinform - Маҳаллий ҳукумат маълумотларига кўра, отишмада ҳалок бўлганлар орасида 18 нафар ҳужумчи ва бир нафар хавфсизлик ходими ҳам бор, деб хабар беради Kazinform BBCга таяниб.
Ҳужум “Боко Ҳарам” террорчилик гуруҳи жангарилари томонидан амалга оширилган, ушбу гуруҳ аввалроқ Чад ҳукумати нишонларига ҳужум қилган эди. Ҳужумда жами 24 киши иштирок этган, дейди расмийлар.
«Ҳужумчилар орасида 18 киши ҳалок бўлди, олти нафари яраланди. Бизда битта киши ҳалок бўлди ва уч киши яраланди, улардан бири оғир аҳволда ”, - деди Ҳукумат матбуот котиби ва ташқи ишлар вазири Абдераман Куламалла AFPга.
Агентлик мухбирларининг хабар беришича, президент қароргоҳига олиб борувчи йўллар тўсилган, кўчаларда танклар пайдо бўлган.
Чад президенти Маҳамат Деби ҳужум вақтида саройда бўлган.
Маҳаллий ҳокимият маълумотларига кўра, ҳозир вазият назорат остида.
Аввалроқ Нигерияда хайрия тадбири пайтида 22 киши ҳалок бўлгани хабар қилинганди эди.
