Бугун ва эртага Алматида 27 даражагача совуқ бўлади

Алматида 12-13 декабрь кунлари 23-27 даражагача совуқ бўлади. Бу ҳақда 112 хизмати огоҳлантирди, дея хабар беради Kazinform мухбири.

об-ҳаво
Фото: Pixabay

Айтиш жоизки, тунда бошланган қор ҳамон тўхтамай ёғмоқда.

Шу муносабат билан шаҳар фавқулодда вазиятлар департаменти ҳайдовчиларни автомобилларини дарахтлар тагида қолдирмаслик ҳақида огоҳлантирди.

“Алматида қалин қор ёғди, туман тушади. 23-27 даражагача совуқ бўлади. Шу боис шаҳар меҳмонлари ва аҳолисидан тоғли ҳудудларга чиқмасликни, 112 хизматининг СМС-хабарлари, оммавий ахборот воситаларидаги маълумотларни эътибордан четда қолдирмасликларини сўраймиз”, -дейилади хабарда.

Муаллиф: Алма Муқанова

Сўнгги хабарлар