Бугун Қасим-Жомарт Тоқаев Россияга хизмат сафари билан боради

ASTANA. Kazinform – ҚР Президенти Қасим-Жомарт Тоқаев 8-9 май кунлари Россияга ташриф буюради. Бу ҳақда Давлат раҳбари матбуот котиби Руслан Желдибай маълум қилди, дея хабар беради Kazinform.

«Президент Тверь вилоятидаги Ржев ёдгорлигига ташриф буюриб, 100 ва 101-пиёда дивизиялари таркибида жанг қилган ва ҳалок бўлган қозоқ аскарларига ҳурмат бажо келтиради. Ржев жанги Улуғ Ватан уруши давридаги энг йирик жанглардан бири ҳисобланади.

Бундан ташқари, Давлат раҳбари Трубино деревнясидаги биродарлар қабристонига ташриф буюради. У ерда Президентнинг отасининг акаси Қасим Болтаев ҳам дафн этилган.

Ржев тубидаги жангда Қозоғистондан 22 мингга яқин аскар ва офицер қатнашди.

9 май куни Қасим-Жомарт Тоқаев Россия Президенти Владимир Путин таклифига биноан Улуғ Ватан урушидаги Ғалабанинг 78 йиллигига бағишланган парадда иштирок этади. Россия томони ушбу тадбирга МДҲга аъзо давлатлар раҳбарларини таклиф қилди», – дейилади Facebookдаги хабарда.

Шунингдек, Қ.Тоқаев 17-19 май кунлари давлат ташрифи билан Хитой Халқ Республикасида бўлади.