Бокс бўйича Осиё чемпионати: Карина Ибрагимова финалда Олимпиада чемпионини енгди ва ғолиб бўлди

ASTANA. Кazinform – Карина Ибрагимова Иордания пойтахти Амман шаҳрида бўлиб ўтаёган бокс бўйича Осиё чемпионати ғолиби бўлди, деб хабар беради Kazinform мухбири.

Жаҳон чемпионати бронза медали совриндори Карина Ибрагимова 57 килограмм вазнда Токио Олимпиадаси чемпиони япониялик Ирие Сена билан жанг қилди.

Карина ярим финалда жаҳон чемпиони филиппинлик Нести Петесиони нокаутга учратди. Н. Петесио Олимпиада финалида И. Сенадан мағлуб бўлган эди.

Финалда Карина қўлларининг узунлиги ва бўйидан фойдаланиб аниқ зарба беришга ҳаракат қилди ва шундай бўлди. Иккинчи раундда эса япониялик боксчи огоҳлантириш олди ва очко олиб ташлади. Бироқ учинчи раунд охирида Карина нокдаунга учради. Ҳисоб 3:1, К.Ибрагимова чемпион бўлди.

Шу тариқа Қозоғистон учинчи олтин медални қўлга киритди.

Эслатиб ўтамиз, Жайна Шекербекова мамлакат саватчасига иккинчи олтин медални солган эди.

Муаллиф: Ғайсағали Сейтақ