Boeing компанияси ходимлари иш ҳақини ошириш таклифини қайтариб олади

ASTANA. Kazinform - Американинг Boeing корпорацияси касаба уюшмаси билан музокараларни тўхтатиб, 33 мингга яқин кишининг иш ҳақини ошириш таклифини қайтариб олмоқчи. Корхонада эса иш ташлаш тўрт ҳафтадан бери давом этмоқда, дея хабар беради Кazinform агентлиги Reutersга таяниб.

Компания икки кунлик музокаралардан сўнг касаба уюшмаси ўз таклифларини жиддий қабул қилмаганини айтди.

— Афсуски, касаба уюшмаси таклифларимизни жиддий қабул қилмади. Ҳозирги босқичда кейинги музокаралар мантиққа тўғри келмайди, - деди Boeing Commercial Airplanes бош директори Стефани Поуп ва касаба уюшмасининг талабларини "муҳокама қилиш мумк эмас" деб атади.

Касаба уюшмаси тўрт йил ичида иш ҳақини 40 фоизга оширишни талаб қилмоқда. Ишчиларнинг 90% дан ортиғи иш ташлашдан олдин тўрт йил давомида иш ҳақини 25% га ошириш таклифини рад этди.

30 мингдан ортиқ машинист иштирок этган иш ташлаш 13 сентябрь куни Сиэтл ва Орегондаги Boeing заводларида бошланган.

Компания ўтган ой таклифни билдирган ва уни "энг яхши ва якуний" деб атаган. Унда иш ҳақини 30 фоизга ошириш ва меҳнат унумдорлиги учун мукофотларни қайта тиклаш назарда тутилган, бироқ касаба уюшма аъзолари ўртасида ўтказилган сўровга кўра, бу етарли эмас эди.

19 сентябрь куни компания ўзининг кўплаб ходимларидан пулни тежаш учун иш ҳақи тўланмайдиган таътилга чиқишни сўради, бу вақтда самолёт ишлаб чиқарувчиси ўзининг энг йирик касаба уюшмаси билан мураккаб шартнома музокараларини олиб боради.

Америкалик сенаторлар Адлия вазирлигидан Boeing раҳбарларига нисбатан қаттиқ чоралар кўриш ва уларни компания самолётида юзага келган хавфсизлик муаммолари учун жиноий жавобгарликка тортишни сўрагани ҳақида аввал хабар берган эдик.

8 октябрь куни S& P Global компанияси Boeing рейтингларини, жумладан, унинг узоқ муддатли “ВВВ-” рейтингини CreditWatchда салбий прогноз билан жойлаштирганини эълон қилди. Рўйхат "агар иш ташлаш йил охиригача давом этса, рейтингнинг пасайиши эҳтимоли ортиб бораётганини акс эттиради".