БМТ Бош Ассамблеяси Алматида ташкилотнинг минтақавий марказини очиш тўғрисида қарор қабул қилди
ASTANА. Кazinform – БМТ Бош Ассамблеяси 152 давлат ҳаммуаллифлигида Алмати шаҳрида БМТнинг Марказий Осиё ва Афғонистон учун Барқарор ривожланиш мақсадлари бўйича минтақавий марказини очиш бўйича консенсус йўли билан қарор қабул қилди.
Бу ҳақда бугун ўзининг Тelegramдаги саҳифасида Қозоғистон Республикаси Президенти маслаҳатчиси – Президент Матбуот котиби Руслан Желдибай хабар берди.
– Бу мамлакатимиз ташқи сиёсатидаги салмоқли ютуқдир. Президент Қозоғистон ташаббусини қўллаб-қувватлагани учун барча ҳамкор давлатларга миннатдорчилик билдирди, — деб ёзади у.
Давлат раҳбарининг фикрича, БМТнинг Минтақавий маркази халқаро ҳаракатларни мувофиқлаштириш учун муҳим платформага айланади.
Эслатиб ўтамиз, аввалроқ БМТнинг денгизга чиқа олмайдиган ривожланаётган давлатлар бўйича конференцияси Туркманистонда бўлиб ўтиши ҳақида хабар берган эдик.
