Бишкекда боғларни фақат тунги вақтда суғоришга рухсат берилган

Бишкекда боғларни фақат тунги вақтда суғоришга рухсат берилган
Фото: Kazinform

BISHKEK. Kazinform - Қирғизистон пойтахтида яшил майдонларни суғориш, ҳовлилар, гиламлар, ичимлик суви билан машина ва механизмларни белгиланмаган жойларда ювиш қатъиян ман этилади, деб хабар беради Kazinform агентлиги мухбири.

Бишкек мериясининг маълум қилишича, сув таъминоти ва канализациядан фойдаланиш қоидаларига кўра, сув ҳисоблагич мавжуд бўлса, пойтахт боғларини соат 00:00 дан эрталаб 05:00 гача суғоришга рухсат берилади.

Белгиланган қоидаларни бузганлик учун 1 минг сом (5 минг тенге) миқдорида жарима назарда тутилган. Муниципал ходимлар томонидан мунтазам текширувлар ўтказилади.

Эслатиб ўтамиз, 2023 йил июнь ойида Бишкек шаҳрида ўрнатилган иссиқ ҳаво фонида ёзги суғориш мавсуми бошланиши ва аҳоли томонидан ичимлик суви истеъмоли ортиши муносабати билан сувнинг кескин танқислиги юзага келган эди. Ичимлик суви танқислиги сабабли Бишкек муниципалитети ичимлик сувидан фаол фойдаланадиган шахсий ҳаммомлар, автоювиш ва бассейнларни вақтинча ёпишга қарор қилган.

Сўнгги хабарлар